أنت مثلي لا شهقـت الهـم ينسـاك الزفيـر؟
ولا أنا وحدي جروحي نـار وسنينـي رمـاد؟
أنت مو مثلي ., تطيّر حلـم مـا يقـدر يطيـر
وأنت مو مثلي ., إذا غنيت تنفيـك البـلاد .!
أنت مثل الناس ., ما تعرف سوى الحال الأخير
لو تعرف الأولي ., حسيت وإحساسك ضماد .!
وش تشوف من الكدر؟ ., تكسّرت لعبة غرير؟
وش سمعت من الحزن؟ معزوفة أيـام الحصـاد؟
شفت نبذه من هموم العمر ., وأخطاك الكثيـر
ولا أنا شفت الكثير اللي يبكّـي لـه جمـاد .!
شفتني ميّت ضمى واقف على جـال الغديـر؟
أحاول أنزع عزّتي وأشرب ويردعنـي عنـاد .!
شفتني أجبر كسور الناس ., وأعـوّد كسيـر؟
شفتني أضوي حياة الغير ., وأسكن بالسـواد؟
شفتني أعطي أمل ., وأنـا مـن أمالـي فقيـر؟
شفتني؟ ولا بـ واد ٍ غيـر وأحوالـي ب واد .!
كنت أقول إن القدم لو توقـف تهـاب المسيـر
لين شفت إن السموم الدرب ., ووقوفي براد .!
لـو تباطانـي بحـر يحـن فـي قلبـي هديـر
إيه أحس إن البحر أقرب من قلـوب العبـاد .!
يوم سلّمت الجسم والـروح ب يديـن المصيـر
قلت أخلي ضحكتي للكذب والناس البعـاد .!
وش تسوّي لو بدالـي ., ووش ممكـن يصيـر؟
دامك إن غنيت حزنك ., بـ ترفضك البلاد .!
موضوع: شفت نبذه من هموم العمر ., وأخطاك الكثيـر 
الثلاثاء سبتمبر 07, 2010 1:16 pm
