يا طير .. ياطاير على طراف الدني
لو فيك تحكي للحبايب .. شو بني
يا طير .... يا طير
روح اسألون عاللي وليفو مش معو
مجروح .. بجروح الهوى .. شو بينفعو
موجوع .. مابيقول عاللي بيوجعو
وتعنّ عا بالو ليالي الولدني
يا طير ....
يا طير يا طاير على طراف الدني
لو فيك تحكي للحبايب شو بني
يا طير .... يا طير
يا طير وآخد معك لون الشجر
ماعاد في إلا النّطرة والضّجر
بانطر بعين الشّمس .. عا درب الحجر
وملبّـكة ... وأيد الفراق تهدّني
يا طير ....
يا طير .. يا طاير على طراف الدني
لو فيك تحكي للحبايب شو بني
يا طير .... يا طير
وحياة ريشاتك وأيامي سوا
وحياة زهر الشّوك .. وهبوب الهوا
إن كنك لعندون رايح .. وجنّ الهوا
خدني لنّو دقيقة .... وردّني
يا طير ....
يا طير .. يا طاير على طراف الدني
لو فيك تحكي للحبايب شو بني
يا طير .... يا طير
خالصـ مودتيـ خلودي
موضوع: كلمات اغنية يا طير - فيروز 
الثلاثاء سبتمبر 14, 2010 7:10 pm
